¿Warimpiat ii nekamurijiai enentainsar najanmasha?

Ii tuke nekatairi aentsti chichasar pujutai, nujai ii enentimmia, nékamu najannawai; nujai amamkesar nekaar itiur juamuit nuu nekawitji.Juu najantainiam pachiniawai ii chichatairi nekámu aujtainmani, júka iik enentaimsar nekámusha nujainchuka unuimiatnum unuimiarma. Juninkia nákak nekachmaiti.

¿Urukawa ii mutsukesha ii jeamuri najankurnisha?

Ii mutsuken nakumak enkemniuiti, aakmatai chichame, imiatkinian turamainiaj nusha. Juka antiniainiawai chicham etserma antukar enentaimsar y junimpiapitia táma. Juu akui ii chichamejai najantainti, chichasmakesh turutskesh iwijmiasrikish.

Ii aentsti nekamu tsakarmari emetatai tusarkia yamaiya juinkia nuya juu chicham yamaram amamkesar isar nekatin jukitiai tusarkia aujsatniutji, amamkeras isar nuya ii enentaimiajai titin, nekáska chichaman etserin ainia akupainia nuu.

¿Itiurá enkitma iyamu nekatniuitiaj?

Animsar nekatin najanamu, juu ii jeamu najantainkia, iniakmawai chichaman nekák tusa, nekapmasa iistarum tusa nuyá apatkar iistin. Aintsan chicham chichasma taamuncha, chicham yapajramu ainia penker apujratniusha, jintianu aintratniusha, chikich irká nuya metektaku chicham ainia, itiur chicham nunintaku aintiniainia, nuya chikich ainisha.

Nekatá ame enentaimtai nekapmansa iyamuka, nekapmatsui ame nekamna núna chicham chichatain, áyatik ame warikmasam aujtain tura aujki weamun nékamun, wari aujeaj nuu nekatin atsantsarik chicham chichamna nujai.